‘2014 ലോകകപ്പ് ഫൈനൽ ഇപ്പോഴും എന്റെ മനസ്സിലുണ്ട് , ഈ ലോകകപ്പോടെ എനിക്ക് അത് അൽപ്പം മറക്കാൻ കഴിയുമെങ്കിലും…’ : ലയണൽ മെസ്സി |Lionel Messi
ഫുട്ബോൾ ലോകം കണ്ട എക്കാലത്തെയും മികച്ച താരങ്ങളെയാണ് അര്ജന്റീന ഇതിഹാസം ലയണൽ മെസ്സിയെയും ഫ്രഞ്ച് ഇതിഹാസം സിനദീൻ സിദാനെയും കണക്കാക്കുന്നത്. കഴിഞ്ഞ ദിവസം നടന്ന അഭിമുഖത്തിൽ സൂപ്പർ താരം ലയണൽ മെസ്സി സിദാനെ വാനോളം പുകഴ്ത്തുന്ന കാഴ്ച കാണാൻ സാധിച്ചു.
17 വർഷത്തെ സീനിയർ കരിയറിൽ ഫിഫ ലോകകപ്പും (1998), യുവേഫ ചാമ്പ്യൻസ് ലീഗും (2001-02) ഉൾപ്പെടെ ക്ലബ്ബിനും രാജ്യത്തിനുമായി 13 പ്രധാന കിരീടങ്ങൾ സിദാൻ നേടി. 1998-ലെ ബാലൺ ഡി ഓർ ജേതാവ് യുവന്റസിനും റയൽ മാഡ്രിഡിനും വേണ്ടി 200-ലധികം മത്സരങ്ങൾ കളിച്ചിട്ടുണ്ട്.അഡിഡാസ് ഫുട്ബോൾ നടത്തിയ അഭിമുഖത്തിനായി മെസ്സി അടുത്തിടെ 51 കാരനായ ഫ്രഞ്ച് താരത്തിനൊപ്പം ഇരുന്നു. അർജന്റീനിയൻ സൂപ്പർ താരം സിദാനെ പ്രശംസിക്കുകയും ‘ചരിത്രത്തിലെ ഏറ്റവും മികച്ച കളിക്കാരിൽ ഒരാൾ’ എന്ന് വിളിക്കുകയും ചെയ്തു.
“അദ്ദേഹം ഇവിടെ ഉള്ളതുകൊണ്ടല്ല ഞാൻ ഇത് പറയുന്നത്, പക്ഷേ ഞാൻ ഇത് മുമ്പ് പലതവണ പറഞ്ഞിട്ടുണ്ട്. ചരിത്രത്തിലെ ഏറ്റവും മികച്ച കളിക്കാരിലൊരാളാണ് സിദാൻ, ഞാൻ അവനെ എന്നും ആരാധിക്കുകയും സ്നേഹിക്കുകയും ചെയ്തിട്ടുണ്ട്. മാഡ്രിഡിലും ഞാനും അദ്ദേഹത്തെ ഒരുപാട് പിന്തുടരുമായിരുന്നു. ഞാൻ ബാഴ്‌സലോണയിൽ നിന്നുള്ള ആളായതിനാൽ അദ്ദേഹം എന്നെ ഒരുപാട് ബുദ്ധിമുട്ടിച്ചു. സിദാൻ ചാരുതയും കലയും മാജിക്കും എല്ലാം ആണ്” മെസ്സി പറഞ്ഞു.
Messi on Zidane ♥️ pic.twitter.com/GkLcyCfLS5
— Stop That Zizou (@StopThatZizou) November 9, 2023
“ചാമ്പ്യൻസ് ലീഗ് ഫൈനലിൽ ലെവർകൂസനെതിരായ ഗോൾ, ലോകകപ്പ് ഫൈനലിൽ ബ്രസീലിനെതിരെ നേടിയ ഗോളുകൾ, അദ്ദേഹം ചെയ്തിരുന്ന ഐതിഹാസിക സ്പിന്നിംഗ് നീക്കം, പ്രശസ്തമായ വലൻസിയ ഗോൾ എന്നിവയുൾപ്പെടെ എനിക്ക് അദ്ദേഹത്തെ കുറിച്ച് ധാരാളം ഓർമ്മകളുണ്ട്” മെസ്സി കൂട്ടിച്ചേർത്തു. അഭിമുഖത്തിനിടെ തന്റെ ഭൂതകാലത്തിൽ നിന്ന് ഒരു ഗെയിം വീണ്ടും കളിക്കാൻ ആഗ്രഹിക്കുന്നുണ്ടോ എന്ന് ലയണൽ മെസ്സിയോട് സിനദീൻ സിദാൻ ചോദിച്ചു.
“എന്റെ കരിയറിൽ ഞാൻ ഒന്നിലും പശ്ചാത്തപിച്ചിട്ടില്ല, പക്ഷേ 2014 ലോകകപ്പ് ഫൈനൽ ഇപ്പോഴും എന്റെ മനസ്സിൽ പതിഞ്ഞിട്ടുണ്ട്, ഈ ലോകകപ്പോടെ എനിക്ക് അത് അൽപ്പം മറക്കാൻ കഴിയുമെങ്കിലും…” മെസ്സി പറഞ്ഞു.2014 ഫിഫ വേൾഡ് കപ്പ് ഫൈനലിൽ ജർമ്മനിയോട് ആണ് അർജന്റീന പരാജയപ്പെടുന്നത്. ഇഞ്ചുറി ടൈമിൽ മരിയോ ഗോട്സെ നേടുന്ന ഗോളാണ് ജർമ്മനിക്ക് ഫിഫ വേൾഡ് കപ്പ് കിരീടം നേടിക്കൊടുക്കുന്നത്.
Zidane: “Is there a match you want to play again?”
— All About Argentina 🛎🇦🇷 (@AlbicelesteTalk) November 9, 2023
Leo Messi: “I have not regretted anything in my career, but the 2014 World Cup final is still stuck in my mind, although I can forget it a little with this World Cup.”
Zidane: “You achieved it in 2022, the story has changed and… pic.twitter.com/tjZARcYu2q
2014 ഫിഫ ലോകകപ്പ് ഫൈനലിന് മുമ്പ് ജർമ്മനിക്കെതിരായ ആറ് മത്സരങ്ങളിൽ മെസ്സി നാല് ഗോളുകളും അസിസ്റ്റും നൽകി. എന്നാൽ മുൻ ബാഴ്സലോണ സൂപ്പർതാരത്തെ ഫൈനലിൽ ജർമ്മനിയുടെ പ്രതിരോധം പൂട്ടികെട്ടി.എട്ടര വർഷത്തിന് ശേഷം, പെനാൽറ്റിയിൽ അർജന്റീന ഫ്രാൻസിനെ ഫൈനലിൽ തോൽപ്പിച്ചപ്പോൾ, ഒടുവിൽ മെസ്സി കൊതിപ്പിക്കുന്ന ട്രോഫിയിൽ കൈവച്ചു.
