രണ്ടാം ടി 20 യിൽ എട്ടു വിക്കറ്റ് ജയവുമായി പരമ്പര സ്വന്തമാക്കി ഓസ്ട്രേലിയ
വെള്ളിയാഴ്ച നടന്ന രണ്ടാം ടി20യിൽ ദക്ഷിണാഫ്രിക്കയെ തകർത്ത് പരമ്പര സ്വന്തമാക്കിയിരിക്കുകയാണ് ഓസ്ട്രേലിയ.മിച്ചൽ മാർഷ്ബാറ്റിങ്ങിൽ മികച്ചു നിന്നപ്പോൾ ഷോൺ ആബട്ട് പന്തിൽ തിളങ്ങി.മാർഷ് 39 പന്തിൽ 79 റൺസുമായി പുറത്താകാതെ നിന്ന് പരമ്പരയിൽ തുടർച്ചയായ രണ്ടാം അർധസെഞ്ചുറി നേടി ഓസ്‌ട്രേലിയക്ക് എട്ട് വിക്കറ്റിന്റെ ജയം നേടിക്കൊടുത്തു.
ആദ്യ ടി20യിൽ ദക്ഷിണാഫ്രിക്കയെ ഓസ്ട്രേലിയ 111 റൺസിന് തകർത്തിരുന്നു.രണ്ടാം ടി20യിൽ ആദ്യം ബൗൾ ചെയ്യാനാണ് ഓസ്ട്രേലിയ തീരുമാനിച്ചത്. 17 പന്തിൽ 35 റൺസ് നേടിയ ടെംബ ബാവുമയുടെ മികവിലാണ് ദക്ഷിണാഫ്രിക്കയ്ക്ക മുന്നേറിയത്.ഒന്നിന് 36 എന്ന നിലയിൽ നിന്ന് നാലിന് 46 എന്ന നിലയിലേക്ക് പോയപ്പോൾ, അദ്ദേഹത്തിന്റെ പുറത്താകൽ പ്രോട്ടീസിന് ബാറ്റിംഗ് തകർച്ചയ്ക്ക് കാരണമായി.
ട്രിസ്റ്റൻ സ്റ്റബ്‌സും എയ്‌ഡൻ മാർക്രമും ചേർന്ന് ഇന്നിംഗ്സ് പുനർനിർമ്മിച്ചെങ്കിലും ഓസീസ് സമയോചിതമായ വിക്കറ്റുകൾ വീഴ്ത്തി. അബോട്ടും നഥാൻ എല്ലിസും മൂന്ന് വിക്കറ്റ് വീതം വീഴ്ത്തി.20 ഓവറിൽ 164/8 എന്ന നിലയിൽ സൗത്ത് ആഫ്രിക്ക ഇന്നിംഗ്സ് അവസാനിപ്പിച്ചു.ഓസ്‌ട്രേലിയക്ക് റൺ വേട്ടയിൽ മന്ദഗതിയിലുള്ള തുടക്കമായിരുന്നു, 18 റൺസിന് ട്രാവിസ് ഹെഡിനെ നഷ്ടമായപ്പോൾ മാറ്റ് ഷോർട്ടും മാർഷും ചേർന്ന് 100 റൺസിന്റെ കൂറ്റൻ കൂട്ടുകെട്ടുണ്ടാക്കി.
വെറും 30 പന്തിൽ 66 റൺസ് നേടിയ ഷോർട്ട്, ഓസ്‌ട്രേലിയയുടെ ലക്ഷ്യം അനായാസമായി പിന്തുടരുമ്പോൾ മാർഷിന് പിന്തുണ നൽകി.പരമ്പര വിജയത്തിന് ശേഷം ടീമിന്റെ പ്രകടനത്തിൽ അഭിമാനമുണ്ടെന്നും ബൗളർമാർക്ക് പ്രത്യേക പ്രശംസയുണ്ടെന്നും മാർഷ് പറഞ്ഞു.
