‘പാക്കിസ്ഥാനെ പരാജയപെടുത്തണമെങ്കിൽ ബാബർ അസമിനെ നേരത്തെ പുറത്താക്കണം’ : എബി ഡിവില്ലേഴ്‌സ്
പലേക്കലെയിലെ കാൻഡിയിൽ ഇന്ത്യ-പാകിസ്ഥാൻ പോരാട്ടത്തിന് മുന്നോടിയായി മുൻ ദക്ഷിണാഫ്രിക്കൻ താരം എബി ഡിവില്ലേഴ്‌സ് പാകിസ്ഥാൻ ക്യാപ്റ്റൻ ബാബർ അസമിനോട് ആരാധന പ്രകടിപ്പിച്ചു.വ്യത്യസ്‌ത ഫോർമാറ്റുകളിൽ ബാബറിന്റെ വൈദഗ്‌ധ്യത്തിനും വ്യത്യസ്‌ത തരത്തിലുള്ള ബൗളിംഗ് ആക്രമണങ്ങളെ നേരിടാനുള്ള അദ്ദേഹത്തിന്റെ കഴിവിനും ഡിവില്ലേഴ്‌സ് പ്രശംസിച്ചു. പാകിസ്ഥാൻ വിജയിക്കണമെങ്കിൽ അവരുടെ നായകൻ ബാറ്റിൽ പ്രധാന പങ്ക് വഹിക്കണമെന്ന് ക്ഷിണാഫ്രിക്കൻ താരം പറഞ്ഞു.
“ഞാൻ ബാബർ അസമിനെക്കുറിച്ച് സംസാരിക്കാൻ ഇഷ്ടപ്പെടുന്നു, കാരണം ഇപ്പോൾ മാത്രമല്ല ഈ ഗെയിം കളിക്കുന്നത് ഞങ്ങൾ കണ്ടിട്ടുള്ളതിൽ വച്ച് ഏറ്റവും മികച്ച കളിക്കാരിൽ ഒരാളാണ് അദ്ദേഹം. പാകിസ്ഥാൻ ബാറ്റിംഗ് ഓർഡറിലെ ഒരു വലിയ പാറയാണ് അദ്ദേഹം. പാകിസ്ഥാനെ നിശബ്ദമാക്കാൻ ഇന്ത്യ ആഗ്രഹിക്കുന്നുവെങ്കിൽ, ബാറ്റിംഗ് നിരയെ ഒരുമിച്ച് നിർത്തുകയും പാകിസ്ഥാൻ മധ്യനിരയിൽ ഒരു പശയായി പ്രവർത്തിക്കുകയും ചെയ്യുന്നതിനാൽ നേരത്തെ പുറത്താക്കണം” ഡിവില്ലേഴ്‌സ് പറഞ്ഞു.
“ബാബർ നന്നേ ചെറുപ്പമായിരുന്നപ്പോഴാണ് ഞാൻ അദ്ദേഹത്തെ ആദ്യമായി കാണുന്നത്.എനിക്ക് പെട്ടന്ന് തന്നെ അദ്ദേഹത്തിന്റെ പ്രതിഭ പെട്ടെന്ന് മനസ്സിലായി,ലോകമെമ്പാടുമുള്ള എല്ലാ ഫോർമാറ്റുകളിലും ബൗളിംഗ് ആക്രമണങ്ങളെ അദ്ദേഹം അനായാസം നേരിട്ടുണ്ട്.അദ്ദേഹം ഒരു മികച്ച കളിക്കാരനാണ്, ഏഷ്യാ കപ്പിലും ഏറ്റവും പ്രധാനമായി ലോകകപ്പിലും പാകിസ്ഥാന് അവനെ ആവശ്യമുണ്ട്, ”അദ്ദേഹം പറഞ്ഞു.
നേപ്പാളിനെതിരായ ഏഷ്യാ കപ്പിന്റെ ഉദ്ഘാടന മത്സരത്തിൽ തന്റെ 19-ാം ഏകദിന സെഞ്ച്വറി നേടിയപ്പോൾ പാകിസ്ഥാൻ ക്യാപ്റ്റൻ ബുധനാഴ്ച ഒരു റെക്കോർഡ് തകർത്തു. 104 ഇന്നിംഗ്‌സുകളിൽ നിന്ന് 19 സെഞ്ച്വറി നേടിയ ദക്ഷിണാഫ്രിക്കയുടെ ഹസിം അംലയെ മറികടന്ന് അദ്ദേഹം അതിവേഗം 19 സെഞ്ച്വറി നേടുന്ന കളിക്കാരനായി.
